لاصار خلك عسل لاتلحسه كله=غلطان راع المثل والباقي منهوله
ألا أبي ألحسه كله على حله=بزينه وفنه وذوقه ومعسوله
لعلي أشفي غليلاً مابرد غله=ولعلي أفتل حبالاً مهي محلوله
المترف الناعم لايمكني أمله=أبو عيوناً لها نظرات مسلوله
هو الهوى والدوى وهو لي الفله=يعزف أوتاره مع أنغامه على طبوله
وهو النفل والخزاما نرجسه فله=إللي جماله على العشاق له هوله
عشير المولع غرامه عشقه وخله=يهيم في طيفه وفي حكيه وزوله
ياتل قلبي على لاماه ياتله=وياهمي فبعده ياعرضه وياطوله
شوفه يزيل الهموم يزيل بي عله=هذا الحبيب المحب إللي على أصوله
وبعدين لا راح عني كيف أنا أصله=لو كنت أبطوله مقدر كيف أنا أنوله
سحابت الوصل لامن هلت تهله=الحب والشوق واللهفات مرسوله