جيتك وانا من غدر الايـام منضـام = جيتك ودمـع العيـن نـوَخ ركابـه
جيتك اعـد الساعـه بحسبـة ايـام = جيتك ( سؤال ومالقى له اجابـه ) ؟
تعبت اشوف الحب من ضمن الاحلام = تعبت اعيـش العمـر هـم وكآبـه
اشقيتني فـي حبـك اليـوم والعـام = والقلب من فعلتـك فاقـد صوابـه
ارخيت لي وصلك وعنيـت الاقـدام = دربـك بعيـد وموحشاتـن ذيابـه
العيـن تـذرف واشهدنهـا ماتنـلام = دامك لعبت بقلـب فـ/ اول شبابـه
اسهر طـوال الليـل والعالـم إنيـام = وانـوح وأبكـي والهمـوم اتشابـه
واخذ مع الهاجـوس سجـه للألهـام = واكتب على بيـض الـورق بالنيابـه
منهو ترك قلبه علـى النـاس ينسـام = شاف بعيونه شـي مارضـى جنابـه
تعبت ياهـم ٍ علـى طـول الايـام = مفتـوح بابـه مابعـد صـك بابـه
الحب ..؟ هم وغم واحزان ..( مادام ! = هذا زهابه ويـش ابـي فـي زهابـه)
اببتعد من يـوم طيـر السعـد حـام = لامن تركت الحـب عشـت برحابـه
جيتك وانا من غدر الايـام منضـام = جيت ولقيـت الحـب هـم وكآبـه
جيــتك وانا مــن غــدر الايــآم منضــأم ..
( تقرير عن مشاركة مخالفة ) ، و الموجودة أسفل كل مشاركة .