تخير / وضع يصلح لي , ونفس الوقت يصلح لك =عجزت أدمح لك الزلات وأنت تعاود الكره
وش اللي جاك .؟ وضح لي , أنا شفني موضح لك =تكلم . قول . علمني . وش اللي غيرك مره
أنا لاجيت بنسى صورتك ذكراي تسرح لك =علامك / قمت تزوي خافقي بالبعد وتطره !!
أنا لو كان . أباجازيك في فعلك . ولمح لك =بحق ان كان تصبر مثل صبري لك ولو . ذره
تغيب شهور . وتعود . وعذرك . ماهو يدمح لك=نسيت ان المثل / ماكل مره تسلم الجره
أنا بنشدك كم مره لجل عينك أسامح لك .؟ =ترا ماهو ببغظ(ن) فيك , لاوالله من الحره
أجيك بكل وجداني .. وصدق شعور .. ونصح لك =وشوفك بارد(ن) دمك , ونفسك حيل منغره
تبي بعدي .؟ حرام أنك (( تعذبني وكافح لك )) =تكلم قول : ( أنا مابيك ) لجل أنساك بالمره
عــــــــلامـــــــك !!
( تقرير عن مشاركة مخالفة ) ، و الموجودة أسفل كل مشاركة .