( جناح الذبابه )

[صلاح البريكي]

بين الطموح وبين تحقيق الأحلام = يزداد صدري للأماني رحابه
لولا الأمل والعزّم ما صار الأِقدام = ليا أقدم الأنسان شاف استجابه
عندي أمل ومواصل السير قدام = وترا حلاة العمر بأول شبابه
ابجتهد لو أسهر الليل ما نام = ومن لا اجتهد في مطلبه ما حضابه
ماني بتارك ما بغيته للأيام = الوقت ما يسقي كسولٍ شرابه
العمر مره ما ذكر واحدٍ دام = ومن يعتبر بالوقت يحسب حسابه
راع العزيمه لا بغى شي عزّام = ولا الكئيب يعيش عيشة كئابه
يا كثر ما نقرا ونسمع بالاعلام = لرجال وصلت ما وصلته الصحابه
بالدين والطيب الحقيقي والاكرام = لا كبرت القالات زادوا صلابه
وانا نشيت ومنهجي نهج الاسلام = و أعز دين الله وارضى القرابه
اثبت وجودي بين ذربين وحشام = ودنياي ما تسوى جناح الذبابه
مدامني في خير وارزاق وانعام = بيت الكرم والله ماصك بابه
أما على العليا يسيرٍ الاقدام = ولا حياتي مع مماتي تشابه

[/quote]