ياصاحبي من كلمتك جاني حباط=وعودة منك وفكر راسي محبطي
الشعر وهبه مايجي ورث وعباط=كم شاعرا" مبدع ولده مخبطي
وحنا خذينا بالقصيد أعلى النقاط=يامشككين بشعرنا وش مظبطي
انا ليا غنية مسيت الرباط=وأعقد وأحل الحبل وأرجع و أربطي
اتعب على المعنى وجيبه بنظباط=ماجيب لي قافن ضعيف معبطي
احدا" ليامنه عدى فز بنشاط=وحدا" ليامنه عدى عديه بطي
وحدا" ليا غنى نبيل شعيل شاط=وحدا" يشيط ان جر مواله بطي
والفرق واضح بين شيحه والحماط=ياغابطن غيرك علامك تغبطي
اللى خبط رجله على صافي البلاط=ماهو كما اللى بالطعوس يخبطي
بنيت عشر ادوار غاطن فوق غاط=سويت معناها وجاك مظبطي
(( الشعــر وهبــــه ))
( تقرير عن مشاركة مخالفة ) ، و الموجودة أسفل كل مشاركة .