قولوا له انـه بالخفـا حـي مامـات=ولازال غالـي فـي عيـونـي و وده
لو طالـت الغيبـه وبعـد المسافـات=يبقـى بقلبـي مابـه انسـان قــده
مااشفت منـه الا الهنـا والمسـرات=وقدمت له مافـي يـدي يـوم امـده
ياما على شانـه وطيـت المعانـات=وباب الحزن لاشفـت عينـاه اسـده
مابيـه يشعـر بالحـزن والتنـهـات=اخاف يجـرح دمـع الاعيـان خـده
بنيت له تمثـال فـي مهجـة الـذات=و ازرت عـواذل خافقـي لاتـهـده
غلاه حـراسٍ علـى القلـب شفتـات=ايـات مخـلـوقٍ يـقـرب تــرده
وكتبت له مـن دم شريانـي ابيـات=مضمونها .. شوق .. وغرام .. وموده
قولوا له الدنيا على الكيـف ماجـات=وان القـدر مافيـه شخـصٍ يــرده
صادمـت لكـن للمقاديـر صدمـات=مـن قوهـا ماعـاد بالحيـل شـده
(( . . قــــولـــوا لـــه . . ))
( تقرير عن مشاركة مخالفة ) ، و الموجودة أسفل كل مشاركة .