( قصايد الوجد )

[صلاح البريكي]

قصايد الوجد محفوظه بوجداني = لو كان معاد لي بالحب محبوبه
ماغير اغني لها لاحي وليحاني = واعيش جو المحبه واكتب اسلوبه
اطرب لها كل ما هجس الهوى جاني = واحاول اعلاج من عايش بغيبوبه
وان شفت حالتهم يا الله لا تبلاني = عسى طريق المحبه ما التفت صوبه
مع كل فرصة غرام اصك بيباني = مرتاح لو اكثر الاحباب منكوبه
قلوبهم خضر لاكن كثر الاحزاني = غطة هجوسٍ على الامال منسوبه
ناسٍ من يهيامهم يمشون عمياني = وفي كل ليله يجي للقلوبهم نوبه
ما اقول فيهم مع الاجواد نقصاني = لاكن غلطاتهم بالفعل محسوبه
وان قلت غلطان اقول شلون غلطاني = صراحة القول مسموعه ومكتوبه
ما يرضي البعض قول فلان وفلاني = ولا كل واحد يوفي كل ماجوبه
وانا اشهد اني عرفت اشكال والواني = القرم دايم معي والباقي الكوبه
لا عدت يا هاجسٍ كان يتحداني = في كل ليله يخلي دوبي ودوبه
ماني ضعيفن لهاجوسن تبلانى = نفسي معه غالبه ماهي بمغلوبه
ثابت مع اهل الوفا والطيب والشاني = اللي على الطيب ماهي ناس مغصوبه
حلالة المشكله وطوال اليماني = ومزبنه من عليهم يطلب التوبه
معزة النفس فيني ورث جداني = واعز رجلٍ علوم الطيب عذروبه
ومال الحمول الثقيله غير شقراني = اللي ثقيل الحمل ماهز عرقوبه
انا غرامي غرام طوال اليماني = وارتاح لاشفت نار الطيب مشبوبه
جلسة شرف طيبه ودلال رسلاني = بين النشاما على الفنجال مصبوبه
وان قالها الله وكان الله عافاني = لوصلك ياغايتن ماهيب محجوبه

[/quote]