يا ابو خلف همي مع الوقت يزداد = لاكني اصبر مثل صبر الجمالي
اصبر وانا همي على القلب رداد = واضحك مع الاجواد ما ضاق بالي
عودت نفسي اكسب الناس الاجواد = اللي مواقفهم تعجب الرجالي
اللي تعلوا فوق قمات الامجاد = وحسابهم بالطيب والجود عالي
والا الردي دايم على الذل معتاد = يصد لا بيٌن غشيش الليالي
معروف فعله بين مزيد وعياد = لا كبرت الهيٌه يشد الرحالي
لأهل الردى دايم اوقف بمرصاد = ولا النشاما ما يجيهم خمالي
صحيح قل الطيب ولا الردى زاد = مدام مابه من يشيل الثقالي
تعبت يا بن العم والوقت قد ساد = تعبت ادور لي رفيقٍ موالي
عليك لو الوقت يرجع وينعاد = والله ما خويت بعض العيالي
لاكن هذا درس من رب العباد = والحمد لله الوفا راس مالي
[/quote]
( يا ابو خلف )
( تقرير عن مشاركة مخالفة ) ، و الموجودة أسفل كل مشاركة .