يقول مـن زيـن المعانـي نسجهـا=وخيول عسـرات المثايـل سرجهـا
أن نامو العربان والنـاس هجعـت=شبيت لي نـار(ن) تزايـد وهجهـا
ثم قامت الافكـار تـارد وتصطفـق=مثل البحور اللـى تلاطـم اموجهـا
فكـره اقلطهـا وفـكـره اردهــا=اتعب على العدلـه وخلـي عوجهـا
أخاف لي من كلمة" تجـرح الحشـا=كلمة قفا يفـرح بهـا مـن هرجهـا
يبثهـا النمـام فـي كـل مجـلـس=ومـن اللعانـه بالظليمـه دمجـهـا
يفـرح بهـا راع النميمـه وشلتـه=هـذا يبهرهـا وهــذا مزجـهـا
ناس(ن) على علوم(ن) رديه تجمعو=وقت السعـه يهـب مكثـر لججهـا
وأن جاء حزم كلاب والنار ولعـت=أطيبهـم اللـي دمعتـه يدرجـهـا
ولا عريب السـاس مانـي بظالمـه=نفسه عـن علـوم الرديـه زلجهـا
ياشاكيـن ظيـم الليالـي وجورهـا=أصبر ونفسك يـب يجيهـا فرجهـا
سج القدم مع كل قـرم(ن) اسنافـي=رجلك مع أهل الطيب والجود سجها
وتلقا من الطيب علـوم(ن) تسـرك=وتزيـد بالنفـس الشقيـه بهجـهـا
هـذا وأنـا عنـدي دلايـل تدلنـي=ولاجيب لي دعو(ن) أظعافن احججها
وختامها مني صـلاة" علـى النبـي=محمـد اللـى سيرتـه ننتهجـهـا
(( يقول من زين المعاني نسجها ))
( تقرير عن مشاركة مخالفة ) ، و الموجودة أسفل كل مشاركة .