ياللي نويت الجفـى ماترحـم احسآسـي ؟ = ياللي نهيـت الغلا ..وقـف وطالـعني
مدري قسآوة زمـن والا انـته القآســي ؟ = والا نصيـبي ..من الضحكآت مآنــعـني ؟
ماقمت اميـز..ولا اعرف كوعـي من رآســي = الوقـت مع جمـلة النسيآن جامعـــني
حتى طمـوحن كتبته وسـط كرآســي = شطّب عليه الزمـن والوقـت صآرعـنـي
ياللي نويـت الجفـى ماترحـم انفآسي؟ = قطّعت صوتي عليـك ولا انت سآمعـنـي ؟
بتغيـب؟ فآرق .. ترى ماينهـدم سآســي ! = لا انته من اهلـي..ولا معـك احد رآضـعـني
- مـدري قسآوة زمـن ، والا انتـه القآسـي - !
( تقرير عن مشاركة مخالفة ) ، و الموجودة أسفل كل مشاركة .