من ( واهج الفرقا .. وترجيع الافلام )=ابيـات فكـري كلبـوهـا شهـابـه
دونتهـا سهـران والنـاس نـيـام=من جرحـي اللـي مايفيـد الدوابـه
ياوجد حال وجـد عـودٍ لـه اعـوام=في غرفتـه مطـروح ماطـق بابـه
تحاشدت فوقـه هواجيـس ووهـام=وتهاطلـت عينـاه مـن حـر مابـه
حاول يشيل همـوم ظهـره ولا قـام=سـود الليالـي زودة فـي صوابـه
ياللي ملكت القلـب حطمتـه احطـام=على الفـراق اللـي طويـلٍ غيابـه
خليت في وجهـي تلاميـح ووسـام=حزن الفراق اللـي تبـارق سحابـه
ماتـدري ان البعـد للمهتـوي سـام=بينه وبيـن المـوت لحظـة تشابـه
الموت / ينزع روح من جلد وعضام=والبعد / ينزع قلب من قلـب سابـه
مـن يــوم ماقفـيـت زادن الالام=ماعلمـوك البعـد وشهـو عـذابـه
بنيت لك تمثال من [ شوق وهيـام ]=فـي داخلـي مخفيـه محـدٍ درابـه
اخاف يصبح مثل تمثال (( صـدام ))=عقب الشموخ وعقب ذيـك المهابـه
حرمتني مـن لـذت النـوم لا نـام=وجرحت قلـبٍ فـي بدايـت شبابـه
خليت دربـي كلـه اشـواك ولغـام=وعلمتنـي وشهـي حيـاة الكـأبـه
عقبك معـاد اميـز بفـرق الارقـام=وجاوبت من بعـدك قنيـب الذيابـه
( . . واهـــج الـــفـــرقـــا . . )
( تقرير عن مشاركة مخالفة ) ، و الموجودة أسفل كل مشاركة .