يادكتـور منـت معالـج العاشـق الولهـان=ولـو زدت يادكتـور وصـفـات طبـيـه
تسمـع بسماعتـك للقلـب ياخـبـلان ..!!=ولاتـدري ان القلـب وسـط الصباحـيـه
أنـا كـل ماشفـت ايكيـا هلـت الاعيـان=علـى الدايـر الخامـس علامـه تجاريـه
ولو كانت امجـرد ورق مـن عليـه الـوان=تزيد الجـروح ( وتدبـل الكيـه / بكيـه )
لهـا موقـفٍ موجـع ويامصعـب النسيـان=تفارقـت انـا واللـي بـه الـروح مبليـه
خـذا خافقـي وقفـا وأنـا خايلـه حيـران=يدينـي مـن ضـروف المقاديـر ملـويـه
أشوفـه ولالـي كـود رحمتـك يارحـمـن=تعيـن القلـوب العاشـقـه .. والهـواويـه
سقـا الله دار الزيـن بالمـاطـر الهـتـان=ياليـن السيـول اتعـم كــل الصباحـيـه
عسى الله يجلي عنـه الهـم .. والاحـزان=ويعتـاش فـي دنيـاه مـرتـاح نفسـيـه
وأنا شيب عينـي كـل ماطـرو الهجـران=يضيـق الصـدر وتهـل الاعيـان عفويـه
علـي الحـرام انـه معـي مانسيتـه كـان=[ اشم الهوا ] وإن مت .. وش عاد في ديه..؟
أحبـه وحبـه غيـر مايـازنـه مـيـزان=ولاينتـقـيـم بالـعـلـوم الحـسـابـيـه
ولاكـن طبـع الوقـت لـو زانلـك خـوان=سريع التقلـب بيـن ( هـاذي / وهاذيـه )
وأنا دار وقتـي وغلـق ابوجهـي البيبـان=عـسـى الله يكفيـنـي عـنـاه وبـلاويـه
اجامـل عـبـاد الله مابـحـت للعـربـان=جـروحٍ عـن انظـار المخاليـق مخفـيـه
تعلمت من قسو الزمن .. ( نعمت الكتمـان )=(( تميت العـواذل )) موتـتٍ غيـر عاديـه
وهاذي ثـلاث ايـام مـن سبتـه سهـران=اسامـر نجـوم الليـل .. واقـول ياحـيـه
يادكتـور منـت معالـج العاشـق الولهـان=علاجي .. وطبي .. جـادلٍ .. فالصباحيـه
( الــــدائــــر الـــخـــامــــس )
( تقرير عن مشاركة مخالفة ) ، و الموجودة أسفل كل مشاركة .