أنـا بتوجـد لـو مـا بالتوجـد فــود=ونفسـي مـن العـلات ماهـو مشافيهـا
ولاكن عن الخاطر بلاحي هبـوب النـود=على مركب الأفكـار بركـب وخاويهـا
الا واوجودي وجد عـودٍ يحـب الـذود=نياقـه مـن الاعمـاق بالحيـل يغليهـا
حداه الفقر .. والوقت .. مع حظه المسدود=ياليـن الزمـن خـلاه لسـوق يحديهـا
يشوف العرب كلٍ يسـاوم وهـو ملهـود=دموعه عـن عيـون المخاليـق خافيهـا
بعد ماشروهـا عـاد لمراحهـا ذالعـود=وهـل العبايـر يـوم خايـل بواقيـهـا
على الله يا من غبت عنك وأنـا محـدود=وأنـا حالتـي يعلـم بهـا الله وش فيهـا
أسوق القدم لعيونـك الواسعـات السـود=ولاكن ضروف الوقت عاقـت خطاويهـا
تودينـي الأفكـار لـك والعبـاد رقـود=ولامن طرتلي صورتـك قمـت أحييهـا
رعاك الولي ياغايتـي وفهـم المقصـود=ترا سارت الفرقـه ولـو كـان مابيهـا
( . . لـــعـــيـــونـــك الـــســـود . . )
( تقرير عن مشاركة مخالفة ) ، و الموجودة أسفل كل مشاركة .