( بسم الله الرحمن )

[صلاح البريكي]

بديت بسم الله الرحمن=بدايت الدين الاسلامي
وعقبه اببدى مع القيفان=واكتب على حب الاقلامي
قصيدتن مابها نقصان=لو دامت ... الحال ما دامي
من شاعرن بالشعر بطران=يكتب على الماقف الحامي
سلالته كلها شجعان=من روس ذربين وحشامي
ومن بعد ما سطر العنوان=سلام يا الطيب السامي
يا مكرم الجار والضيفان=يا حر في جو الفضى حامي
يا قرم يا قايد الفرسان= يا امير لا صرت قدامي
انت الرجا بالزمان ان شان=وانت الحلا في مر الايامي
وانت الكحل يا مكحل الاعيان=وانت البحر لا صار لطامي
يا ابو محمد رفيع الشان=قدام وارفعلك اعلامي
خابرك بلسم على المرضان=تشفيه لو فيه الالامي
لنك ولد عودن مع الفرسان=صيته معا الجواد قد رامي
خلاك تدحم مع العربان=وعلمك تحقيق الاحلامي
اليوم مالي سواك انسان=يبعد عن القلب الوهامي
ماهي بلحية فلان فلان=ولاهي بمنه عند القزامي
كربتلك بالزوم اعنان=وشديتلك بالماقف احزامي
(البيت ما يبنا بلا سيسان)=والهرج ما يروي الظامي
ماني بغادي ولا فقران=كريم واحب الاكرامي
ولانيب بنادم ولا خسران=قصيدتي جت من ألهامي
عبرت عن خافي الوجدان=وختمت في طيب اختامي

[/quote]