بطرح عليكم موضوع وياترى هل هو صحيح ؟
فى مشكله حدثت فى العمل وهذه المشكله كالتالي ، انت سكرتير القسم وعندك الحضور والغياب
وعندك تقييم الموظفين ، الى صار ان فى موظفتين مايداومون ودايم يتاخرون عن العمل ويطلعون قبل
ماينتهي الدوام ، ويوم من الأيام يبي يطلعون من العمل الساعة عشره توى الناس الدوام ماخلص
شسالفه ،المشكلة ان فى شاهد موجود من الموظفين على انهم اطلعوا قبل نهاية الدوام وهذا الرجل
ملتزم ومصلي ويخاف اللة ، المهم رحت انت يالسكرتير وبعد انذار هالموظفتين اكثر من مرة وكتبت
كتاب خصم فيهم ،، وراح الكتاب للأدارة القانونية واستدعوا هالموظفتين للتحقيق معاهم ، وبالفعل تم
استدعائهم للتحقيق ، طلبت الادارة القانونية شهود على صحه كلام هالسكرتير الى كتب فيهم الكتاب ،
الحمدللة ان فى شاهد فى الموضوع وهذا الشاهد يخاف اللة وملتزم بدينه ، وستدعت الادارة هذا
الشاهد وانتوا تدرون الشهاده شي كبير واذا استدعيتلها لابد انك تروح ، راح اخونا الفاضل عشان
يشهد بالحق ، تدرون شقال ،،،،، قال لا البنات كانوا مداومين لى نهاية الدوام ابدن ماطلعوا ؟!
أستغربوا المحققين شلون شاهد السكرتير يشهد ضده وينقلب عليه وهذا انسان ملتزم ويخاف اللة
شدعوا يعني السكرتير الحين كذاب وفى موقف لايحسد علية ، الحين البنات استانسوا لا والأدهى
والأمر انهم قاموا يقولون للجنه المحققين ان هذا السكرتير دايم حاط عليهم وانه فيه وفيه يعني خلاص
استلموا الرجال ، اى موخلاص لقوا ممسك على المسكين ، المهم طلبت لجنه المحققين من البنات
انهم يطلعون وخلاص يروحون دوامهم ، تدرون شصار ، قام واحد من اللجنه وقال حق الشاهد ،،
اخوى ممكن اسئلك سؤال ؟ انت الحين وهقت صاحبك شنو الموضوع بالضبط ، السكرتير يقول انك
شاهده الحين انت شهدت ضده ؟ رد الشاهد على اللجنه بشي انصدموا منه ؟، تدرون شقال ؟؟؟ قال لا
السكرتير واللة على حق بس الرسول عليه الصلاه والسلام يقول ، انك تقدر تحلف كذب اذا تبي تصلح
بين الناس وماتبي مشاكل ،؟؟؟؟؟؟؟؟؟؟؟؟؟؟؟!!!!!!!! صدمه واللة صدمه ، انت الحين تبي تكحلها
عميتها بالمره شلون هلكلام يصير ؟ المهم ان لجنه التحقيق كملت اجرائها وخصمت على البنات وطلع
السكرتير برائه ،، بس ياجماعه صج فى ناس موفاهمه الدين صح وعقليتها جذي ،، هذى كارثة شهاده
الزور موضوع خطير ، والأخذ بالأمور من غير فهم يعتبر كارثة ، مايصير نتخبط بالدين من غير
مانعرف الدين ، انا حبيت اقولكم هالقصه عشان تشاركونى فيها ليش الى سواه هذا الشخص بالرغم
من انه انسان فاهم وعاقل وملتزم ؟ هل ياترى فيه ناس موعارفه الدين صح ؟